Shteti simbol i botës, i lirisë dhe i demokracisë, Amerika, shënon sot festën më të madhe kombëtare, 247-vjetorin e shpalljes së Pavarësisë.
Në Shqipëri për festën e Pavarësisë së Amerikës, ndodhet edhe presidentit 42-të i SHBA-së Bill Clinton i cili u mirëprit dje nga kryeministri Edi Rama me ceremoni shtetërore si dhe u nderua me medaljen "Ylli i Mirënjohjes Publike" për ti thënë faleminderit për atë që ka bërë për shqiptarët dhe Kosovën.
Kryeministri Rama zgjodhi momente nga vizita e ish Presidentit të SHBA Bill Clinton në Tiranë në prag të 4 korrikut, për t’i uruar Pavarësinë Shteteve të Bashkuara të Amerikës.
‘Gëzuar 4 korrikun Amerikë. Zoti ju bekoftë!’ shkruan Rama.
Kryetarja e Kuvendit, Lindita Nikolla tha se Parimet e Deklaratës së Pavarësisë u bënë filozofia politike e zhvillimit dhe demokratizimit të kombeve të qytetëruara.
“Nuk ka një rast tjetër, kur pavarësia e një vendi të ketë ushtruar në historinë botërore atë ndikim e fuqi ndryshimi të Deklaratës dhe shpalljes së Pavarësisë së Shteteve të Bashkuara të Amerikës. Pavarësia e ShBA i dha jetë shtetit më të madh demokratik të botës dhe jetërsimit në parimet kushtetuese të të drejtave të patjetërsueshme të individëve: Jetës, Lirisë dhe kërkimit të Lumturisë.”
Një urim për të gjithë qytetarët amerikanë në Shqipëri e kudo erdhi edhe nga ambasada e SHBA në Tiranë. Nuk lanë pa shënuar mesazhin e tyre për Pavarësinë e shtetit më të fuqishëm të botës, as opozitarët. Lulzim Basha zgjodhi një citat nga Deklarata Pavarësisë, ndërsa Ilir Meta i Partisë së Lirisë, thënien e Benjamin Franklin se “aty ku strehohet liria, gjendet vendi im”.
Sekretari i Përgjithshëm i PD-së, Gazment Bardhi ka uruar SHBA për ditën e pavarësisë. Ajo që bie në sy përpos mesazhit që Bardhi ka dhënë, ka qenë fotoja ku ka pozuar me Kim, si mesazh për retorikën e ashpër që i është bërë nga grupi i Rithemelimit dhe ish kryeministri Berisha.
“Dita më e mirë për të falenderuar SHBA që na ka qendruar në krah në kohërat më të vështira të kombit shqiptar. Siç thonë njerëzit e mençur, ka të paktën një gjë që është më keq sesa të luftosh me aleatët dhe kjo është të luftosh pa ta! Gëzuar ditëlindjen Amerikë!”- thotë Bardhi teksa ndan foton me Kim.
Ish-kreu i PD Lulzim Basha ka uruar Ditën e Pavarësisë së Amerikës. Nëpërmjet një fotoje të publikuar në ‘Facebook’, Basha falënderon SHBA-në për mbështetjen që i ka dhënë vendit.
“Gëzuar 4 korrikun. Zoti e Bekoftë miqësinë mes dy kombeve tona!”, shkruan ish-kreu i PD-së.
Presidenti Bajram Begaj ka uruar Amerikën për ditën e Pavarësisë. Begaj shton se është mirënjohës e krenar për historinë që lidh Shqipërinë dhe SHBA-të.
‘Gëzuar 4 Korrikun! Mirënjohës dhe krenarë për historinë që lidh Shqipërinë dhe Shtetet e Bashkuara. Si partnerë strategjikë, jemi të vendosur për të ndërtuar një të ardhme në të cilën ruajmë dhe forcojmë së bashku vlerat e demokracisë.’- shkruan Begaj.
Komente
Shqiperia si asnjeher me pare pran amerikes????
PërgjigjuRama nje lider i duhur dhe i madh per te gjithe Shqipetaret per tu vlersuar????
PërgjigjuHahahah gjithe lepiresit shkruajne pro nje shteti qe eshte terrorist , i vetmi shtet qe i ka krijuar te gjitha lufterat ne bote , hajer mos te shohi ai vend i ndyre mallkuar qofte bres pas brezi
Përgjigjugezuar 4 korrikun diten e pavaresise se Kosoves
PërgjigjuI bete nje pritje madheshtore Bill Clinton
PërgjigjuFaleminderit qe mbani marredhenie te mira me ne
PërgjigjuGezuar Amerike
PërgjigjuIshte nje dite shume e bukur dhe madheshtore per vendin tone
PërgjigjuGezuar pavaresine
PërgjigjuQe kur eshte krijuar ai shtet ka qene nje mallkim per boten , sepse nuk ka kaluar asnje moment qe ata ta ken len boten te qete keshtu qe do zoti shperbehen si shtet vrasesit
Përgjigju