Bota e Formula 1 kujton sot Roland Ratzenberger në 30 vjetorin e vdekjes. Piloti austriak humbi jetën më 30 prill 1994, gjatë kualifikueseve për Çmimin e Madh të San Marino në Imola, duke u përplasur me mbi 300 km/h me Simtekun e tij në kthesën e quajtur 'Gilles Villeneuve'.
Ajo e Ratzenberg ishte paralajmërimi tragjik i asaj që ndodhi të nesërmen në garë, praktikisht në të njëjtën rrugë, me përplasjen që vrau Ayrton Sennan.
Ratzenberger ishte 34 vjeç dhe në sezonin e tij të parë në F1. Ai bëri debutimin e tij në Çmimin e Madh të Brazilit, por nuk arriti të kualifikohej në garë. Pas kësaj, ai kishte qenë garues në Çmimin e Madh të Japonisë, duke përfunduar në vendin e fundit.
Roland Ratzenberger
Aksidenti fatal ndodhi menjëherë pas daljes nga kthesa 'Tamburello', ku një pjesë e krahut të Simtekut të tij u shkëput dhe shkaktoi humbjen e ngarkesës së makinës, e cila nuk ishte në gjendje të kthehej pasi arriti në 'Villeneuve'.
Piloti u përplas me një shpejtësi të llogaritur më vonë si 314.9 km/h në murin e jashtëm. Goditja ishte e tmerrshme sa i shkaktoi dëmtime në kokë.
Ndërhyrja mjekësore ishte e menjëhershëm, por ishte e panevojshme për pilotin. Ratzenberger u transferua me helikopter në spitalin 'Maggiore' në Bolonja, por ai vdiq disa minuta pasi mbërriti në dhomën e urgjencës.
S.DH/ReportTv.al
