Një karvan emigrantësh me mijëra njerëz nga Amerika Qendrore, Venezuela, Kuba dhe Haiti u larguan nga Meksika jugore dhe u nisën për në SHBA, thanë organizatorët dhe zyrtarët.
Rreth 5 mijë emigrantë filluan duke shkuar drejt kufirit jugor të Meksikës për në SHBA të hënën. Emigrantët janë ankuar se procesi i vizave për refugjatët ose vizat e daljes po zgjat shumë në qendrën kryesore të përpunimit të Meksikës në qytetin e Tapachula, pranë kufirit me Guatemalën. Njerëzit që kërkojnë viza të tilla shpesh presin javë ose muaj pa qenë në gjendje të punojnë, raportojnë mediat ndërkombëtare.
Të hënën, emigrantët formuan një kolonë të gjatë përgjatë autostradës, të shoqëruar herë pas here nga policia, e cila është me ta për t’i penguar të bllokojnë të gjithë autostradën.
Karvani i emigrantëve është ndër më të mëdhenjtë që nga qershori i vitit 2022. Karvane të tilla tërhoqën shumë më tepër vëmendje në vitet 2018 dhe 2019. Shumë emigrantë po ikin nga varfëria dhe paqëndrueshmëria politike në vendet e tyre, dhe këtë vit një numër rekord njerëzish kaluan rajonin Darien Gap që lidh Panamanë dhe Kolumbinë. raportojnë mediat ndërkombëtare.
S.S/ReportTv.al