Humbi gjurmët më 10 shkurt të këtij viti gjendet 24-vjeçari nga Cërriku. Fatjon Kaloti foli live për emisionin ’Pa Gjurmë’ në Report TV, pak orë pasi ishte kthyer në banesë, mëngjesin e kësaj të hëne. Babai i tij kërkoi ndihmën e emisionit ’Pa Gjurmë’ në Report Tv, për gjetjen e 24-vjeçarit nga Cërriku, i cili humbi në qendër të Tiranës, një ditë pasi kishte lënë qelinë. Ai kishte kryer 8 muaj burg për dhunë dhe dëmtim prone. I riu kishte shfaqur proleme me depresionin, ndërsa u zhduk krejt papritur nga sheshi ’Skënderbej’ në prani të babait mesditën e 10 shkurtit. Mëngjesin e kësaj të hëne i riu u kthye vetë në banesën e tij në Cërrik. Gjatë një lidhje live, Fatjon Kaloti, pohon se e ka patur të vështirë kthimin në banesë dhe se është ndihmuar nga shumë qytetarë.
’E kam patur të vështirë të jetoj katër ditë rrugëve. Nuk e di si u largova ndodhi krejt papritur, por nuk munda dot të gjeja rrugën për t’u kthyer. Kam bërë kilometra rrugë në këmbë derisa arrita në lagjjen, ku kam shtëpinë time në Cërrik. Shumë qytetarë më kanë ndihmuar në ushqime dhe dua t’i falenderoj nga zemra. Shumë prej tyre më kanë orientuar për të gjetur rrugën drejt shtëpisë dhe falë Zotit mbërrita gjallë. Jam i lodhur, por gjithsesi ndjemhem me mirë tani që u bashkova me familjen’-u shpreh 24-vjeçari
Fatjoni vuante nga depresioni prej 3 vitesh, kohë në të cilën jetontë në Francë në një kamp azilantësh bashkë me familjen. Ai kishte kohë që ishte kthyer në Shqipëri, ndërsa familja jetonte ende në Francë.
Emision i plotë
O.D.//ReportTv.al