Dy motrat korçare, Edi dhe Leli Xharkanji ndanë në “podcastin” e përjavshëm të kryeministrit Rama historinë e tyre frymëzuese se si përballuan sfida të mëdha në jetë por nuk u ndalën drejt suksesit.
“U zhvendosëm në Tiranë, me shumë pak mundësi ekonomike, prindërit shisnin fruta perime dhe më pas hapën një dyqan poshtë shtëpisë. E kishim shtëpinë në katin e dytë. Babai nuk ishte në shtëpi atë natë. Dëgjuam një zhurmë të madhe dhe shumë njerëz jashtë shtëpisë thoshin kanë vdekur. Gjyshi hapi derën dhe u dogj komplet dhe na kanë shpëtuar njerëzit kemi dalë nga ballkoni. Mori flakë shtëpia. Edhe dyqani u dogj”.- tha Edi Xharkanji.
Pasi i gjithë investimi i jetës u shkrumbua përpara syve të tyre, të shumtë ishin ata që i këshilluan të largoheshin nga Shqipëria.
“Babai nuk donte mori borxhe në miq dhe e hapi prapë dyqanin atje. Nga ana mentale mami e përjetoi keq. Pas disa vitesh ndodh prapë e njëjta gjë, ishte e qëllimshme. Gjyshit iu shfaq një sëmundje dhe ndërroi jetë. U dogj shtëpia, dyqani, babai vendosi të mos ikë, e spostoi dyqanin në një vend tjetër. Sa ngriheshim pak kishte diçka që na tërhiqte pas”.- u shpreh Edi Xharkanji.
Fatkeqësitë e njëpasnjëshme në familje nuk i rrëzuan, të cilat ende pa mbaruar gjimnazin, mundën të hapnin biznesin e tyre të veshjeve. Gjithçka nisi duke lënë me qira fustanet e tyre.
“Ne kemi dhe një motër tjetër, dhe mami, 4 femra, kishim shumë fustane, hapëm një faqe online dhe menduam të reklamojmë fustanet dhe në fillim t’i linim me qira, ndamë një dhomë dhe aty prisnim klientët e parë. Pastaj menduam të hapim një ambient me qira”.- u shpreh Leli Xharkanji.
Sot dy motrat kanë disa dyqane në Tiranë si dhe një punishte me 20 punonjës për veshjet që tregtojnë.
Kjo histori tërhoqi vëmendjen e Kryeministri, i cili me batutë nuk e përjashtoi edhe mundësinë që një ditë të bashkëpunojë me to.
Edi: E shohim e shqyrtojmë
Rama: Në staf nuk vi dot se dua të jem i pavarur
Edi: Thashë se the dua rrogë të lartë
Sot pas 9 vitesh eksperiencë në këtë fushë ku 70% e klientëve janë shqiptarë, dëshira më e madhe e Edit dhe Lelit është të konsolidojnë brendin e tyre në nivel ndërkombëtar.
M.Q./ReportTv.al
Komente
Shoku Rama. Intervistoje pak shokun Gonxhe. Kur mbyti Tiranen duke hapur portat e diges se Liqenit thuhej se kishte 26 milion $ pasuri te patundshme. Na thuaj pak si u be biznesmen kaq i suksesshem duke ndenjur thjesht prane teje - te dy hyte me lecka ne politike.
PërgjigjuSulltani nuk e kupton që për të kryer një veprimtari private duhet të jetë i regjistruar dhe ushtrimi saj krijon konflikt interesi me funksionin e tij si Kryeministër! DUA PAGË TË LARTË THOTË
PërgjigjuGjithë Shqiptarët e tjerë nuk ishin si këto, ata ishin të pasur, të suksesshëm dhe me mirëqenie, veçse sot kanë pësuar riulje e dobësuar për faj të tyre jo i juaji.
PërgjigjuRealizmi socialist ne vend te shokut Enver tashme ka shokun Edi si protagonist.
Përgjigju