Presidenti Ilir Meta ka uruar besimtarët muslimanë me rastin e Fiter Bajramin. Me një postim në facebook Meta uron që lutjet dhe agjërimi i gjithë besimtarëve muslimanë të jetë pranuar.
“Me përmbylljen me sukses të përsosjes shpirtërore në Muajin e Ramazanit i bashkohem sonte urimit për agjërim dhe lutje të pranuara për çdo besimtar mysliman!
Shëndeti, lumturia, mirësia dhe mbarësia qofshin gjithmonë në familjet shqiptare!
Kur i gëzohemi begative që sjell Bajrami dhe i jemi falenderues Zotit për të mirat e sjella për ne, të mos harrojmë se në thelb të kësaj feste qëndron solidariteti dhe humanizmi”, shkruan Meta
Presidenti Meta ka zgjedhur ta përmbyllë urimin e tij për besimtarët muslimanë me një pjesë nga Kurani teksa shkruan: “Qëndro i vendosur kundër padrejtësive, edhe nëse kjo gjë rezulton kundër teje”
Të gjithë Besimtarët myslimanë, të hënën festojnë Fiter Bajramin, pas një muaji agjerimi, sakrifice e përkushtimi.
Lajmi kryesor:
Nesër Fiter Bajrami, kreu i KMSH-së uron besimtarët: Konfliktet e hapura të mbyllen sa më parë dhe popujt të jetojnë në paqe! Meta: Lutje të pranuara
K.T./ReportTv.al
