Një burrë 26-vjeç thotë se ishte duke filmuar protestat në Paris kundër reformave të pensionit, kur një polic e goditi me shkop në organin gjenital dhe i ka lënë pasoja. Ai madje do ngrejë padi për këtë veprim të policëve dhe e ka të faktuar me anë të xhirimeve që po bëjnë xhiron në rrjet.
Dëmtimi që ka marrë i ka detyruar mjekët t’ia amputojnë njërin testikul që ta shpëtojnë.Burri i identifikuar nga mediat franceze si Ivan S., ka ngritur padi kundër policisë pariziene, nën akuzën për përdorim të tepruar të forcës. E përditshmja franceze Liberation ka identifikuar burrin si 26-vjeçarin me profesion inxhinier në një kompani të madhe franceze, i cili kishte dalë në demonstrata kundër sistemit të reformave pensionale.
Rreth një milion njerëz morën pjesë në demonstratat në mbarë Francën, kurse të paktën 80 mijë morën pjesë në tubimin më të madh në Paris. Ata demonstruan kundër planit të presidentit francez Emmanuel Macron, që synonte të rriste pragun e moshës për të dalë në pension. Burri tha se policia fillimisht e kishte rrëzuar në tokë derisa po filmonte demonstratën. Me të patur kontakt me tokën, një polic i ishte vërsul duke e goditur me shkop në testikuj.
F.D/ReportTv.al
