Tetë figura të njohura të opozitës iraniane kanë njoftuar se do takohen të premten në Universitetin Georgetoën në Uashington për të diskutuar të ardhmen e demokracisë në Iran, dhe për revolucionin për të drejtat e grave me titull: E ardhmja e Lëvizjes për Demokraci të Iranit. Ky takim vjen në mes të një vale protestash të qytetarëve, të nxitura nga vdekja e 22-vjeçares Mahsa Amini, kurdo-iranianes, sa ka qenë në mbajtje policore, me arsyetimin e nuk e ka vendosur si duhet mbulesën në kokë.
Që nga fillimi i protestave popullore antiqeveritare në Iran shtatorin e kaluar, çështja e formimit të një këshilli drejtues të opozitës ka qenë një temë e nxehtë diskutimi midis iranianëve. Kjo është hera e parë që figurat kryesore jashtë vendit bashkohen në një vend për të shprehur pikëpamjet e tyre.
Princi në mërgim Reza Pahlavi , laureatja Nobel Shirin Ebadi dhe Dr. Hamed Esmaeilion me bazë në Kanada , President i Shoqatës së Familjeve të Fluturimit PS 752 të rrëzuar nga Garda Revolucionare e Iranit në vitin 2020, si dhe autorja, gazetare dhe aktiviste për të drejtat e grave me bazë në SHBA, Masih Alinejad , aktoret dhe aktivistët Nazanin Boniadi dhe Golshifteh Farahani , ish-kapiteni i ekipit kombëtar të futbollit të Iranit, Ali Karimi dhe sekretari i përgjithshëm i partisë kurde iraniane Komala, Abdullah Mohtadi , janë katër gra dhe katër burra të grupit. Veprimtaria e 10 shkurtit në Institutin për Gratë, Paqen dhe Sigurinë në Georgetoën (GIËPS) do të moderohet nga Karim Sajjadpour, anëtar i lartë në Carnegie Endoëment dhe profesor ndihmës në Universitetin Georgetoën.
“Për herë të parë që nga fillimi i kryengritjeve, tetë nga udhëheqësit e shquar të lëvizjes demokratike iraniane do të ndajnë skenën për të folur për qëndrueshmërinë e vazhdueshme të lëvizjes, vizionin e tyre të përbashkët për të ardhmen e Iranit dhe se si ndryshimi demokratik në Iran mund të ndryshojë botën. ”, thuhet në njoftim.
Ngjarja mund të bëhet një pikë kthese në formimin e një lidershipi të bashkuar jashtë vendit për të përfaqësuar lëvizjen e demokracisë në Iran, ku aktivistët nuk kanë asnjë shans për ta mbrojtur atë publikisht. Mijëra protestues janë ende në burg dhe dhjetëra përballen me dënimin me vdekje.
Ngjarja përkon me 44-vjetorin e themelimit të Republikës Islamike, i cili këtë vit shënohet mes pasigurisë politike pasi shumë njerëz në Iran mbështesin ose simpatizojnë lëvizjen protestuese dhe janë kapur ndoshta në krizën më të vështirë ekonomike që nga revolucioni i vitit 1979. Javën e kaluar, Mir-Hossein Mousavi, udhëheqësi i Lëvizjes së Gjelbër të vitit 2009, i cili ka qenë në arrest shtëpiak që nga viti 2011, lëshoi një deklaratë të fortë duke bërë thirrje për një referendum për të vendosur të ardhmen e një Irani demokratik. Mousavi i cili ishte një udhëheqës i lartë i reformistëve në Iran tha se nuk ka shpresë se regjimi në pushtet mund të reformohet.
F.D/ReportTv.al