Pep Guardiola është shpallur trajneri më i mirë i vitit, në ceremonine e përvitshme "FIFA The Best".
Pep Guardiola ishte në garë me dy trajnerët italianë, Luçiano Spaletin, i cili fitoi titullin me Napolin dhe Simone Inzaghin, i cili dërgoi Interin në finalen e Champions League.
Gjatë 2023 Pep Guardiola fitoi titullin në Premier League, ndërsa fitoi gjithashtu edhe Champions League.
“Falënderoj kundërshtarët e mi. Luçiano, ke bërë një sezon të jashtëzakonshëm me Napolin, duke fituar titullin pas kaq shumë vitesh. Simone, vetëm unë e di se sa e vështirë ka qenë të luaje kundër Interit tënd në finale, një skuadër e mrekullueshme.
Dua të ndaj këtë çmim natyrisht me Sorianon, i cili ka strukturuar këtë ide të “City Football Group”, me pronarët, stafin tim, lojtarët tanë, të gjithë ata që kanë ndërtuar këtë udhëtim të madh e të jashtëzakonshëm, pa asnjë përjashtim. Gjëja e pabesueshme është të jetoja me ata këtë eksperiencë, jo të fitoja apo humbja. Jam i lumtur që babai im 92-vjeçar është këtu, pastaj desha të përmendja gruan dhe fëmijët e mi. Gëzojuni kësaj mbrëmje, unë nuk mund të jetoja pa ta”, tha Guardiola.
“Barcelona është klubi im i zemrës, do të ishte e pamundur të isha këtu pa të, ai që jam është falë tyre. Siti u ndërtua në kohë, 10-15 vite më parë ishte larg nga ajo që është sot. Kishin fituar edhe më parë me Mançinin e Pelegrinin, por ishte një udhëtim i madh dhe special për të ardhur deri këtu”, tha spanjolli pasi mori çmimin.
Futbollisti argjentinas, Lionel Messi është shpallur ‘më i miri i vitit’ nga FIFA duke fituar çmimin “The Best” për dytin vit rradhazi.
Por si Messi, ashtu edhe Haaland dhe Mbappe, nuk ishin të pranishëm në ceremoninë e FIFA-s në Londër.
Triumfi i Messit është pritur me habi, pasi Erling Halaand ka fituar tripletën me Manchestet Cityn dhe gjithashtu është golashëshënuesi i Europes për 2023 dhe pritej që ai të shpallej më i miri për këtë vit duke mposhtur argjentinasin.
Me 30 tetor Messi fitoi edhe trofeun e Topit të Artë, që është ekuivalenti i "The best", por që dorëzohet nga revista franceze France Football.
