FIER - Një 28-vjeçare është proceduar në gjendje të lirë, pasi ish-bashkëshorti i saj e ka kallëzuar se ka ushtruar dhunë ndaj fëmijëve të mitur. Xh.M., banuese në Fier po hetohet nga Prokuroria.
'Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasen Xh. M., 28 vjeçe, banuese në Fier, pasi ish-bashkëshorti i saj ka kallëzuar se shtetasja Xh. M. ka ushtruar dhunë ndaj fëmijëve të tyre të mitur.', thuhet në njoftimin e policisë.
Ndërsa një 61-vjeçar, I.B., banues në fshatin Hoxharë të Fierit ka kallëzuar në polici se i kanë vjedhur automjetin e tij 'Benz'.
G.K/ReportTv.al'Në Komisariatin e Policisë Fier, është paraqitur shtetasi I. B., 61 vjeç, banues në fshatin Hoxharë, Fier, i cili ka kallëzuar se i kanë vjedhur automjetin e tij, tip "Benz". Po punohet për identifikimin dhe kapjen e autorit/ve.', vijon njoftimi i policisë.
