Një 49 vjeçar është arrestuar pasi ka plagosur me armë zjarri bashkëshorten e tij 21 vjet më të re. Ngjarja u shënua mbrëmjen e sotme (29 korrik 2023) në lagjen “Sheq i Madh” të Fierit.
Report TV mëson se Robert Kotsi, 49 vjeç ka qëlluar me pistoletë Nertila Furrxhiu, 28 vjeçe.
Nga veprimet e para hetimore, mësohet se plagosja ka ndodhur pas një konflikti me bashkëshorten. Pasi e ka plagosur atë me armë zjarri pistoletë dhe është larguar.
Shërbimet e Policisë janë vënë në ndjekje të autorit, kanë rrethuar zonën dhe falë veprimeve të shpejta operacionale, pas disa minutash, bënë të mundur kapjen dhe arrestimin në flagrancë të tij.
U sekuestrua në cilësinë e provës materiale arma me të cilën Robert Kotsi plagosi bashkëshorten e tij.
Arma e krimit
S.G//ReportTv.al
Komento
