Shtatë grupe të teatrove nga qytete të Shqipërisë dhe Maqedonisë së Veriut do të performojnë për tre netë, fabula dhe personazhe.
Nisi kështu edicioni i 17-të i festivalit të teatrit të kukullave “Xinxërfilo” në qytetin e Pogradecit.
“Festivali Xinxërfilo është një festë për të gjithë ne dhe për vogëlushët e Pogradecit. Është një festival që shpalosen vlerat e të gjithë teatrove të Shqipërisë. Trupat e teatrove përfaqësohen këtë vit me personazhe dhe aktorë (fëmijë) të rinj.”- tha Eritan Kamolli, Drejtor i Qendrës Kulturore “Lasgush Poradeci”
Shkodra përfaqësohet në këtë festival me 5 aktorë dhe kjo është një mundësi e mirë për për të shkëmbyer eksperiencat mes trupave teatrale.
“Për Shkodrën kjo është pjesëmarrja e dytë në festivalin kombëtar të kukullave, ku regjizorja Xhaja tha se trupa është ende e re dhe se ka shpresë se nga ndryshimi i “pushtetit vendor” në Shkodër mund të rritet dhe mbështetja financiare në projekte për këte teatër”.- tha Drane Xhaja regjisore.
Këtë vit në festivalin Xinxërfilo është menduar që të mos ndahen çmime, kjo për të mos krijuar konkurencë mes trupave, pasi sipas organizatoreve më i rëndësishëm është bashkepunimi dhe ndarja e eksperiencave mes tyre.
M.Q.//ReportTv.al