Ndryshe nga mbrëmjet e serenatave, qyteti i Korçës u përfshi nga spektakli I Korca Moto Festival me 600 motoristëve nga i gjithë rajoni.
“Për ne është hera e parë, vijmë nga Prishtina. Është më mirë se në të gjithë Evropën, ju qytetarëve të Korçës ju lumtë…”- tha ai.
“Nuk jam martuar asnjëherë, motorët për mua janë gra dhe fëmijë…”- tregon njw tjetwr.
Parakalimi në bulevardet kryesore të qytetit dhe më pas grumbullimi në sheshin e katedrales bëri që qindra turistë të shijonin këtë atmosferë të magjishme.
“Jam një grua që drejtoj motorin, gjithashtu dhe instruktore. E kënaqur që shikoj femra që po përdorin motorin, është një botë krejt tjetër, motori është edhe për femra dhe për meshkuj.”- tha ajo.
Korça Moto Festival ashtu si vitet e tjera erdhi me iniciativën e një grupi të rinjsh nga qyteti Juglindor, Riders Legend Korça.
Atmosfera festive e ktheu sërish qytetin juglindor në vendin më të vizituar nga turistët që shijuan një fundjavë ndryshe të përfshirë me adrenalinë motoristësh.
G.MO//ReportTv.al
