Festivali i Gjirokastrës mblodhi përgjatë 8 ditëve 120 interpretues nga të gjitha trevat shqiptare. Në skenë u panë më të mirat e këngëve, valleve, riteve, kostumeve tradicionale duke u pasuruar me të tjera aktivitete që prekën edhe artizanatin, kulinarin e trashëgiminë vendase. Emocionues e bëri këtë rikthim të ngjarjes së madhe pas 8 vjetëve edhe prania e madhe e spektatorëve, ku artdashës e artistë morën pjesë me familjarët e tyre. Krahas fotos së djalit të vogël të kryeministrit, me prindërit Edin dhe Linda Ramën, edhe drejtorja e Teatrit të Operas dhe Baletit, violinistja Abigela Voshtina, u shfaq për herë të parë mes radhëve të spektatorëve si nënë, duke ushqyer djalin e saj foshnjë Enean.
Artistja drejton prej një viti një nga institucionet më me peshë të artit. Detyrë që e vijoi paralelisht me angazhimin si nënë e re.
Voshtina shoqëroi në këtë ngjarje të madhe të promovimit të folklorit shqiptar edhe trupën e Ansamblit të Këngëve dhe Valleve Popullore, që performuan në hapje të Festivalit Folklorik të Gjirkoastrës dhe në përfundim të Festivalit me Ansamblin Kombëtar të Këngëve dhe Valleve nga Kosova, “Shota”
G.MO/ReportTv.al