Reperi i njohur nga Kosova, Feron Shabani ose sikurse e njohim me emrin e tij të artit “Fero” duket se është në telashe me ligjin. Ai dyshohet se ka qëlluar me armë zjarri në një lagje të Gjilanit. Nuk raportohet për të lënduar si pasojë e të shtënave, ndësa reperi është aktualisht në kërkim nga Policia e Kosovës.
Lajmi u konfirmua nga zëdhënësi i Policisë për rajonin e Gjilanit, Ismet Hashani për “Express”.
Njoftimi i plotë i Policisë së Kosovës:
S.C/ReportTv.al“Shkaktim i rrezikut të përgjithshëm
Gjilan, 29 dhjetor 2022
Drejtoria Rajonale e Policisë Gjilan, Stacion Policor Gjilan me datën 29.12.2022 në orët e mbrëmjes ka pranuar në informacion se i dyshuari (1994) shtetas i Kosovës me veturën e tij ka shkuar në një lagje të qytetit të Gjilanit dhe po sa ka dalë nga vetura ka shtënë një herë me armë zjarri dhe më pas është larguar nga vendi i ngjarjes.
Nga kjo e shtënë nuk ka pësuar lëndime trupore askush.
Në vendin e ngjarjes kanë dalë njësitet relevante të policisë të cilat kanë bërë ekzaminimin e vendit të ngjarjes.
I dyshuari ende nuk është takuar dhe është në kërkim nga ana e Policisë së Kosovës.
Në lidhje me rastin është njoftuar Prokurori i Shtetit i cili ka urdhëruar që të iniciohet rast për veprën penale ,,Shkaktim i rrezikut të përgjithshëm’’ ndërsa rrethanat se si ka ndodhur rasti janë duke u hetuar nga ana e Njësisë së Hetimeve të Stacionit Policor Gjilan”.
