Pas protestave të vazhdueshme kundër gurores në fshatin e tyre, banorët e Fierzës kanë paditur në SPAK kryetarin e Bashkisë së Tropojës, Rexh Byberi, shefin e komisariat, Përparim Allmuça dhe pronarin e gurores, Avni Byberi.
Në kallëzimin Penal depozituar në Prokurorinë e Posaçme Kundër Korrupsionit dhe Krimit të Organizuar me 28 gusht, thuhet se Rexh Byberi ka dhënë leje për hapjen e gurores në zonë pyjore ne kundershtim me ligjin si dhe duke favorizuar djalin e xhaxhait te tij, Avni Byberi. Po keshtu banoret pretendojne se shkeles i ligjit eshte dhe shefi i komisariatit, i cili nuk ka marrë masa për ndalimin e aktivitetit minerar. Sipas tyre, shpërthimet në gurore janë bërë shkak për shkatërrimin e rrugës, ndotjen e ujit dhe të mjedisit.
“Dhënia e lejes per gurore pa një proces të rregullt ligjor dhe duke favorizuar djalin e xhaxhait, na ka cënuar interesat. Vepra e e ndërtimit nuk duhet të jetë në këtë distancë ku bëhet shkak për ndotjen e mjedisit dhe komunitetit të zonës ku jemi ne kallzuesit por duhet të jetë 50 Km larg zonave të banuara”, shkruhet ne padi.
Ata kërkojnë që kryebashkiaku i Tropojës të hetohet nga SPAK per “Korrupsion pasiv” dhe “Shperdorim detyre”, ndërsa pronari i gurorës korrupsion pasiv dhe pastrim parash.
B.K//ReportTv.alKomente
Lajmi ketu eshte se njerezve po u kthehet besimi tek drejtesia,vecanerisht te SPAKU dhe /nuk ka me qofte te daja/ per te gjithe ata qe favorizojne korrupsionin e nepotizmin,ose perfitojne prej tyre.
PërgjigjuPse eshte lajm or teeeejjj? Kusherinjte ka favorizu, ne Tropoje. Ku perben lajmi ktu?
Përgjigju