Eurosong 2020, si rrallëherë për shkak të pandemisë Covid 19, vjen online edhe pa garë në datë 16 maj me 41 pjesëmarrës nga vende të ndryshme.
Këngëtarja Arilena Ara, e cila është fituesja e Festivalit të 58-të Këngës në Radio Televizionin Publik Shqiptar do të jetë pjesë e “Euorpe Shine Olight”.
Artistja do të prezantojë klipin e këngës “Shaj” në versionin anglisht “Fall from the sky".
41 artistët pjesëmarrës do të këndojnë nga shtetet e tyre në nderim të të gjithë atyre, që janë duke luftuar me Covid 19.
Artistët do të këndojnë në një performancë të përbashkët këngët fituese të vitit 1997, “Love Shine a Light” e Katrina dhe The Waves. Ndërsa, nuk do të mungojnë as të ftuarit special, që kanë qenë fitues të këtij festivali ndër vite.
Ndërsa, Festivali ishte parashikuar që të prezantohej në Roterdam të Holandës live, Televizioni Publik Shqiptar gjatë datave 12 dhe 14 maj, do të transmetojë mini-klipe për 41 artistët pjesëmarrës nga vende të ndryshme.
