Sporti i mundjes është duke zhvilluar Kampionatin Europian në Zagreb të Kroacisë. Shqiptari i natyralizuar, Islam Dudaev është eliminuar në raundin e 1/16. Në peshën deri në 65 kilogramë dhe në stilin e lirë, çeçeni u mund me rezultatin 5-2 nga azerbajxhanasi Ali Rahimzada. Në raundin e parë sportisti kuqezi ia doli të fitojë 5-0 kundër grkut Georges Pildis.
Në peshën deri në 61 kilograëm për një medalje europiane gjithçka pritet nga sportisti kuqezi Zelimkan Abakarov, që garon me petkun e kampionit të Botës në mundjen e lirë. Në të njëjtin stil në peshën 125 kilogramë konkurron Paris Karepi.
Mundja klasike apo greko-romake, do të ketë përfaqësuesit e saj, të cilët janë Bajram Sina në peshën 60 kilogramë dhe Kevin Kupi në peshën 77 kilogramë. E për herë të parë, Shqipëria në mundje përfaqësohet në një Europian dhe me të rriturat, ndërsa në peshën 68 kilogramë konkurron Albina Drazhi.
S.DH/ReportTv.alKomente
Cuditshme shqiperia asnjeher ska konkuruar ne arene nderkombetare ne mundje dhe tani shpresat i kemi tek azeret megjithese shume cmime te bujshme te dhena per ish mundesite tane pa asnje eksperience nderkombetare jo me qe per medalje ne ate kohe s’u bete fjale.
Përgjigju