Euro ka pësuar një tjetër rënie të fortë në kursin e këmbimit me lekun këtë të mërkurë. Sipas kursit zyrtar të këmbimit të Bankës së Shqipërisë, Euro ra në nivelin e 112.83 lekëve, duke humbur më shumë se një pikë krahasuar me ditën e martë. Që nga fillimi i muajit dhjetor, kursi i këmbimi Euro-Lek ka rënë me 3.45%, ndërsa që nga fillimi i vitit 2022 rënia ka arritur në 6.44%.
Ekepertet thonë se këtë javë ka pasur rritje të ofertës valutore në treg, për shkak të sezonit te festave, që lidhet me rritjen e turizmit hyrës dhe kthimin e emigrantëve për festat e fundvitit, por edhe me futjen e parave informale prej tyre.
Agjentët e tregut thonë se gjatë vitit 2022 ka pasur një ofertë të lartë valutore, çka është shoqëruar me tendencën rënëse të Euros ndaj Lekut.
Oferta e lartë është ndikuar nga rritja e turizmit, eksportet e shërbimeve dhe remitancave, por megjithatë në tërësi deficiti i llogarisë korrente të vendit deri në fund të 9-mujorit ishte në vlera të përafërta me të njëjtën periudhë të vitit të kaluar.
Forcimi i monedhës vendase ndaj Euros, që është njëkohësisht valuta kryesore në këmbimet tregtare të Shqipërisë, luan një rol pozitiv në drejtim të zbutjes së inflacionit
G.MO/ReportTv.al