Suedia është ngjitur përkohësisht në vendin e parë në grupin E të Europianit si pasojë e fitores minimale 1-0 kundër Sllovakisë. Në Shën Petersburg të Rusisë vendosi goli i minutës 77 të shënuar nga Frosberg, i cili ekzekutoi saktë një penallti.
Në minutat e mbetura Sllovakia ishte e pafuqishmë për të reguar, por përveç golit në këtë takim vlejnë për t’u theksuar edhe inkursionet e futbollistit suedez Isak, i cili për më tepër ishte edhe ai që fitoi penalltinë.
Pas dy ndeshjeve Suedia mban vendin e parë në grup me 4 pikë, pasi në ndeshjen e parë barazoi me Spanjën, ndërsa e dyta renditet Sllovakia e cila më herët mposhti Poloninë. Përballja tjetër e këtij grupi mes Spanjës dhe Polonisë do të luhet të shtunën në orën 21:00.
Ne.k.//ReportTv.al
Komento
