Holanda është bërë skuadra e radhës e cila ka siguruar kualifikimin për në fazën me eliminim direkt në Europian, pasi ka mposhtur me rezultatin e pastër 2-0 Austrinë.
Në ‘Johan Crujf Arena’ të Amsterdamit u deshën 11 minuta për të parë golin e parë, që u realizua nga Depay, i cili ekzekutoi siç duhej një penallti të shkaktuar nga kapiteni austriak Alaba.
Në vijim pritej reagimi i austrikëve, por e kundërta ndodhi. Në minutën e 67 Dumfries dyfishoi rezultatin dhe vulosi shifrat përfundimtare të takimit pas një aksioni model të ‘tulipanëve’.
Pas dy ndeshjeve për secilën kombëtare Holanda udhëheq grupin C me 6 pikë, më pas vjen Ukraina dhe Austria me 3, ndërsa mbyll Maqedonia e Veriut me zero pikë.
Ne.k.//ReportTv.al
Komento
