Anglia është kualifikuar në çerekfinale të kampionatit europian, pasi për llogari të fazës së 1/8 ka mposhtur pastër 2-0 Gjermaninë në Londër. Në stadiumin Wembley, që për herë të parë pas pandemisë ishte i mbushur me 45 mijë tifozë, vulosën golat e realizuar në pjesën e dytë.
Ndeshja që kishte edhe prapavija të tjera historike u zhbllokua në minutën e 75 nga Stërling, që është edhe golashënuesi i ‘Tre Luanëve’ në këtë kampionat europian me 3 gola.
Pas këtij episodi Gjermania e shumëkritikuar u hodh në sulm dhe për pak e gjeti golin e barazimit, por Muller shpërdoroi rastin e artë. Ligji i pashkruar i futbollit kush nuk shënon e pëson u vërtetua edhe në këtë ndeshje kur Kane në minutën e 85 dyfishoi dhe vulosi shifrat përfundimtare të takimit.
Kjo është cilësuar edhe si hakmarrje për Anglinë, që fitoren e fundit kundër Gjermanisë në një ndeshje me eliminim në Europian dhe Botëror e kishte 55 vite më parë. Ekzaktësisht në 1966. Nga ana tjetër Gjermania është eliminuar për herë të parë në fazën e 1/8 në një kampionat Europian apo Botëror.
Ne.k.//ReportTv.al