Partizani mbylli dje ditën e tretë të përgatitjeve në Pogradec, teksa mësoi edhe kundërshtarin në turin e parë kualifikues të Champions League. Të kuqtë do përballen me BATE Borisov, skuadrën bjelloruse që për shkak të sanksioneve nga UEFA i zhvillon ndeshjet si pritëse jo në shtetin e vet, por në fushë neutrale.
Veç kundërshtarit, Partizani pa dje edhe Endri Çekiçin në stërvitje. Futbollisti i Kombëtares është me pushime në vendlindje, teksa ka nisur përgatitjet për të qenë në formë. Fantazisti 26-vjeçar do largohet nga Konyaspor pas dy sezonesh dhe do dalë lojtar i lirë.
Nuk përjashtohet mundësia që Çekiçi të jetë pjesë e Partizanit për ndeshjet e Champions, me të kuqtë që pas Grezdës do shtonin cilësinë në skuadër.
S.DH/ReportTv.al
Komento
