TIRANË- Kreu i PDIU-së, Shpëtim Idrizi ka zhvilluar një takim me kryedemokratin Lulzim Basha. Ky takim bëri që palët të bien në një marrëveshje ku Shpëtim Idrizi do të kandidojë në qarkun e Tiranës.
Ky takim vjen në vazhdën e një sërë takimesh që kreu i PDIU-së ka zhvilluar me kryedemokratin Basha dhe grupin negociator të PD-së Edi Palokën, Gazment Bardhin dhe Alfred Rushajn për të vendosur se cilët do të jenë emrat nga radhët e PDIU që do të përfshihen në listat e PD në zgjedhjet e ardhshme parlamentare.
Vetë Idrizi do të garojë në listat e sigurta për Tiranën, po çamët kanë pretendime edhe për një vend të sigurt në Fier. Për këtë arsye, Idrizi i ka dorëzuar PD-së rezultatet elektorale të zgjedhjeve të kaluara. Më herët për Report Tv Idrizi ka deklaruar se partia e tij ka peshë elektorale në 5 qarqe të vendit dhe me shumë gjasë do të kërkojë kandidatë në të 5 këto qarqe, ndonëse jo në lista të sigurta.
Lajmi kryesor:
Ende pa një marrëveshje për zgjedhjet e 25 prillit! Mediu pas takimit me Bashën: Duhet të dalim si opozitë e bashkuar, vendi im të përcaktohet në bazë të peshës elektorale
B.K.//ReportTv.al