Një ngjarja e rëndë ka ndodhur tre ditë më parë në Britaninë e Madhe, ku një 22-vjeçar shqiptar mbeti i vrarë, gjatë një sherri me thika në veri të Londrës.
Ngjarja e rëndë ndodhi në periferi të Londrës rreth orës 23:50 të 11 Korrikut, por identiteti i viktimës u bë publik nga policia mbrëmjen e shkuar.
Sipas mediave britanike, disa persona janë përfshirë në një sherr, ku për pasojë ka mbetur i vrarë 22-vjeçari shqiptar, Emiliano Hasanpapaj.
I riu vdiq rrugës për në spital pasi nuk i mbijetoi plagëve të marra.
Një zëdhënës i policisë londineze tha se familjarëve të 22-vjeçarit po i ofrohet mbështetja e nevojshme, ndërkohë që hetimet për ngjarjen e rëndë vijojnë.
Autoritetet arrestuan një 24-vjeçar, i dyshuar si autor i ngjarjes, megjithatë ai u la në liri me kusht.
Një burrë 24 vjeç i arrestuar me dyshimin për vrasje është liruar me kusht nga policia deri në një datë në tetor.
