Një rast i shitjes dhe blerjes së kanabisit është goditur nga policia , e cila ka vënë në pranga një 23-vjeçar që u kap ‘mat’ teksa i shiste doza kanabisi një 20-vjeçari në një lagje në Divjakë. Ky i fundit u vu nën hetim në gjendje të lirë.
Në pranga ka rënë Klajdi Fajzullau, pasi u kap në flagrancë teksa i shiste doza kanabisi, 20-vjeçarit me iniciale E. N.
“Gjatë operacionit, në lagjen nr. 2, Divjakë, u kap në flagrancë Klajdi Fajzullau teksa i shiste doza kanabisi, E. N. Në vijim, gjatë kontrolleve në banesën e tij shërbimet e Policisë gjetën një sasi lënde të dyshuar narkotike kanabis, të ndarë në 267 doza, të gatshme për shitje”, njofton policia.
Në përfundim të veprimeve procedurale për rastin, u vu nën hetim edhe blerësi i lëndës narkotike, 20-vjeçari me iniciale E.N, si dhe u sekuestruan në cilësinë e provës materiale, dozat e lëndës narkotike.
Materialet procedurale i kaluan Prokurorisë Fier, për veprime të mëtejshme.
M.T/ReportTv.al