Tre shqiptarë të shpallur në kërkim ndërkombëtar nga drejtësia janë ekstraduar nga Italia, Gjermania dhe Greqia drejt vendin tonë, ditëm e sotme.
Bëhet fjalë për Saimir Prenga, Arjan Gjergji dhe Besmir Kola alias Zef Kola.
Saimir Prenga u ekstradua nga Italia pasi ishte shpallur në kërkim nga drejtësia shqiptare për veprën penale “Prodhimi dhe shitja e narkotikëve”, kryer në kuadër të grupit të strukturuar kriminal. Ai akuzohet se në bashkëpunim me shtetasin Gj. L., gjatë periudhës 2017-2018, ka shitur rreth 67 kg lëndë narkotike cannabis sativa. Ndaj tij gjykata ka cakatuar masën e sigurisë “Arrest në burg”, informoi sot policia.
Arjan Gjergji u ekstradua nga Gjermania drejt Shqipërisë pasi ishte shpallur në kërkim nga drejtësia shqiptare për veprën penale “Prodhimi dhe shitja e narkotikëve”, kryer në bashkëpunim. "Ai akuzohet se ka bashkëpunuar për prodhimin dhe shitjen e 20 kilogramëve lëndë narkotike cannabis sativa, që u sekuestrua nga Policia, në fshatin Grudë Fushë, në vitin 2021. Ndaj tij gjykata ka caktuar masën e sigurisë “Arrest me Burg”
Ndërsa Besmir Kola alias Zef Kola u ekstradua nga Greqia drejt Shqipërisë pasi ishte shpallur në kërkim nga drejtësia shqiptare, pasi Gjykata e Shkallës së Parë Durrës e ka dënuar me 3 vjet burgim, për veprën penale “Mashtrimi”.
Këta persona i janë dorëzuar Drejtorisë së Përgjithshme të Burgjeve.
K.M/ReportTv.al