Dy familje në Durrës janë përfshirë në një konflikt që ka agravuar deri në dhunë fizike mes tyre, pasi një 52-vjeçar së bashku me vajzën e tij shkuan te shtëpia e bashkëshkortit të kësaj të fundit për të kërkuar shkëputjen e martesës. Për pasojë janë vënë në pranga 3 persona dhe nën hetim një tjetër.
Gëzim Demiri dhe vajza e tij, kanë shkuar në banesën e bashkëshortit të saj në Arapaj, me qëllim prishjen e martesës së 20 vjeçares me Korab Ukën.
Dy familjet janë konfliktuar dhe kanë ushtruar dhunë ndaj njëri-tjetrit, për pasojë janë arrestuar Gëzim Demiri së bashku me Korab e Nazmie Ukën.
Gjithashtu, u vunë nën hetim në gjendje të lirë H. D., 20 vjeçe.
Shërbimet e Policisë, gjatë kontrollit në banesën e shtetasit Korab Ukës, gjetën një armë zjarri kallashnikov dhe 30 fishekë luftarak, të cilët u sekuestruan në cilësinë e provës materiale.
Materialet procedurale iu referuan Prokurorisë Durrës, për veprime të mëtejshme.
M.T/ReportTv.al
