Eugen Prifti është emëruar drejtori i ri i Agjencisë Shtetërore të Kadastrës në Sarandë, katër ditë pasi është shkarkuar paraardhësja e tij Aida Demi.
Prej 6 muajsh Prifti ka qenë zëvendës-regjistrues në Sarandë. Gazetari i Report Tv Limos Didani bën me dije gjithashtu se 5 punonjës te ASHK Sarandë janë liruar nga detyra. Vendimi është marrë dje nga Drejtoria e Përgjithshme.
Aida Demi u shkarkua nga drejtimi i Kadastrës së Sarandës, pas investigimit në media se familja e saj ka përfituar tokë që më parë ka qenë det dhe ka ndërtuar hotel. Trualli i cili është blerë me proces privatizimi në vitin 1992, sipas denoncimit, gllabëroi një pjesë të konsiderueshme të bregut të detit, pjesë që u mbush me inerte dhe u kthye në tokë. Në certifikatën e pronësisë familja Demi ka shënuar më shumë metra katrorë sesa bleu.
Pas shkarkimit të saj Policia ka ushtruar kontroll edhe në zyrat e ASHK Sarandë dhe sipas burimeve policore për Report TV ditën e premte janë sekuestruar disa dosje pranë sektorit te legalizimeve dhe regjistrimit të pasurive pranë kësaj Drejtorie të cilat do të referohen pranë Prokurorisë së Sarandës për hetime të mëtejshme.
B.K/ReportTv.al
Duhet shembur e hequr si titull prone pjesa e ndertuar mbi det.
PërgjigjuPa sekuestro pasurie, heqja nga puna eshte kot.
PërgjigjuNuk ka poshterim,turp e fyerje me te madhe se sa te lesh pronat e pronareve vendas ne dore te çameve. Dhe kjo ndodh kudo ku ka prona te lakmuara
PërgjigjuPo nuk u morën pronat dhe po nuk i futën në burg ,,kjo punë nuk mbaron kurrë ,,KÇK ,,Vidh se maksimumi të heqin nga puna dhe gëzo i qetë gjënë e vjedhur ,, dhe jeton i nderuar dhe i rrespektuar si hajdut shëmbullor dhe i zoti.
Përgjigju