Mediat spanjolle llogaritën se sa do të thoshte për Barcelonën në aspektin ekonomik eliminimi ndaj Paris Saint Germain në CHL.
Barcelona është në një periudhë në të cilën i duhen më shumë të ardhura se kurrë më parë dhe në këtë kontekst, eliminimi nga Champions League është edhe më i dhimbshëm, pasi solli me vete pasoja shumë të rënda ekonomike.
Mediat spanjolle llogaritën se eliminimi i ka kushtuar Barcelonës gjithsej 70 milionë euro, me strukturën e kësaj shume si më poshtë.
Barcelona humbi 50 milionë euro sepse nuk arriti të kualifikohej në Botërorin e Klubeve vitin e ardhshëm , 12.5 milionë euro është çmimi që jep UEFA për kualifikimin në gjysmëfinale të Champions League. Klubi katalanas priste të fitonte 6 milionë euro nga biletat dhe 2 deri në 3 milionë euro të tjera nga sponsorët.
S.DH/ReportTv.al