KOSOVË- Arrestohen tre persona për vrasjen në Gllogjan të Kosovës. Tre të arrestuarit për vrasjen e shoferit Gani Gjokaj dhe dy nxënësve Genta Mustafaj dhe Ledion Hamzaj në Gllogjan janë Halil Mehmetaj dhe dy djemtë Kreshnik dhe Malsor Mehmtaj.
Sipas mediave kosovare, motivet e këtij sulmi lidhen me një rast të vetëvrasjes të një vajze nga Gllogjani, më konkretisht të 20-vjeçares Heroina Mehmetaj në qershor të këtij viti, që është familjarja e autorëve. Sipas familjes së vajzës së vetëvrarë arsyeja e kësaj vetëvrasje është shoferi i autobusit, Gani Gjokaj.
Prokuroria e Pejës e cila thirri një konferencë të jashtëzakonshme në orën 21:30 konfirmoi arrestimin e 3 të dyshuarve kryesor për vrasjen e trefishtë që tronditi mbarë opinionin publik.
“Pas ndodhjes së rastit kemi filluar hetimet intensive me ndihmën e Prokurorisë së Shtetit. Pas punës intensive janë arrestuar tre persona me dyshimin se kishin kryer veprën penale të vrasjes së rëndë. Prokuroria i ka ndaluar për 48 orë”, ka thënë kryeprokurori Agim Kurtmehaj.
Lidhur me lajmin e arrestimeve ka reaguar edhe Kreu i Aleancës për Ardhmërinë e Kosovës, Ramush Haradinaj, i cili tha se askush nuk mund të fshihet pas krimit dhe drejtësia e gjen dhe ndëshkon çdo person të përfshirë.
Ngjarja e rëndë e regjistruar mbrëmjen e së shtunës të 27 nëntorit, në Kosovë ka tronditur opinion publik në mbarë vendin. Tre persona mbetën të varë si pasojë e një sulmi me kallashnikov drejt një autobusi në Gjollan të Deçanit.Viktima mbetën dy nxënësit Ledion Hamzaj, 16 vjeç dhe Gentiana Mustafaj, 17 vjeç si edhe shoferi i autobusit Gani Gjokaj. Një person tjetër mbeti i plagosur por ndodhet jashtë rrezikut për jetën. Mediat kosovare shkruajnë se nxënësit po ktheheshin nga shkolla dhe këtë rrugë ata e bënin çdo ditë.
3 viktimat Gentjana Mustafaj,shoferi Gani Gjoka , Ledjon Hamzaj
Kreshnik, Heroina dhe Malsor Mehmetaj
Lajmin për arrestimin e tre personave për vrasjen e trefishtë në Gllogjan, e ka përshëndetur edhe Kreu i Aleancës për Ardhmërinë e Kosovës, Ramush Haradinaj.
Ai tha se askush nuk mund të fshihet pas krimit dhe drejtësia e gjendhe ndëshkon çdo person të përfshirë.
"Përshëndes kapjen e të dyshuarve për krimin që ndodhi në Gllogjan disa javë më parë. Ky është një mesazh i qartë se askush nuk mund të fshehët pas krimit dhe se drejtësia do të arrijë te secili. Organet e rendit dhe drejtësisë i përgëzoj për punën e tyre intensive në dobi të ndriçimit të rastit që na ka tronditur të gjithëve.", shkruan ai.
Kreshnik dhe Malsor Mehmetaj, janë dy nga të arrestuarit për sulmin ndaj autobusit në Gllogjan. Persni i tretë i arrestua është babai i dy djemve, por ende nuk kanë qarkulluar fotografitë e tij.
