Edicioni i 25 i Panairit të Librit, një mundësi rimëkëmbje për të afruar më shumë lexuesin

16 Nëntor 2022, 15:53| Përditesimi: 16 Nëntor 2022, 16:18

  • Share

Një pikë takimi prej 25 vitesh. Panairi i Librit, në shtëpinë e përhershme “Pallatin e Kongreseve”, ceremoninë e hapjes e ndan mes zyrtarëve, botuesve dhe shkrimtarëve. U kujtua së pari viti 1992, kur regjisori Dhimitër Anagnosti, ministër i Kulturës, urdhëronte hapjen e Shoqatës së botuesve, që 6 vite më pas do ti ndërmerrte nismën për t’i dhënë jetë  kësaj ngjarje të Librit.

Një mundësi rimëkëmbje për të afruar më shumë lexuesin. Mbi 100 shtëpi botuese ndërmarrin sfidën përmes diskutimesh, takimesh me autorë e përkthyes, por edhe kohë për reflektim në krisjet e leximit, që nisin nga bankat e bibliotekat e shkollave, tek ato të qytetit.

Pasurimi i bibliotekave ka nisur, thotë ministrja e Kulturës, Elva Margariti, dhe kujton rastin e tri dhurimeve në “Qemal Baholli” në Elbasan.

Agjenda e Panairit deri në 20 nëntor, përfshin një sërë autorësh, nga letërsia për fëmijë tek sprovat e të rinjve e autorët e konsoliduar. Rovena Rrozhani, Edmond Tupja, Ben Blushi, Besnik Mustafaj, e deri tek Valentina Leskaj si autore janë disa nga personazhet e ditës së parë të ngjarjes së madhe të librit.

B.K.//ReportTv.al
Komento
  • Sondazhi i ditës:

    A po jep rezultate lufta e SPAK ndaj grupeve kriminale?