Një infermiere nga Lushnja ka humbur jetën ditën e sotme. Xhuliana Seferi ka ndërruar jetë në moshën 29 vjeçare.
Nëpërmjet një njoftimi, Urdhri i Infermierit të Shqipërisë ka bërë me dije lajmin e trishtë për ndarjen e parakohshme nga jeta të infermieres e cila ushtronte profesionin e saj pranë Poliklinikës së Specialiteteve në Lushnjë.
B.V/ReportTv.al“Me hidhërim të thellë njoftojmë se është ndarë nga jeta në moshë shumë te re kolegia jonë Xhuliana Seferi. Znj. Seferi lindi në 30 Tetor 1993 në qytetin e Lushnjes. Studimet e larta i kreu pranë Universitetit Ismail Qemali, në degën Infermieri-Mami. Ka ushtruar profesionin e infermieres pranë Poliklinikës së Specialiteteve në Lushnje. Kolegët, miqtë dhe familjarët do të ruajnë kujtimet më të mira për Xhulianën e cila do të kujtohet për virtytet e larta njerëzore dhe intelektuale.
Urdhri i Infermierit të Shqipërisë i shpreh ngushëllimet e sinqerta familjarëve,miqëve, kolegëve dhe gjithë të dashurve të saj për këtë humbje të pazëvendësueshme”-thuhet në njoftimin e publikuar.