Një 21-vjeçar shqiptar është paditur zyrtarisht me akuzën e vrasjes së një bashkatdhetari në Britaninë e Madhe.
Kozma Papa, i cili banon në afërsi të qytetit të Bristolit në jugperëndim të Anglisë, akuzohet për vrasjen e 37-vjeçarit Bledi Petraj.
Ngjarja ndodhi mesditën e se dielës më 4 shkurt në Enfield. Shërbimet e urgjencës u njoftuan se një 37-vjeçar është gjetur i plagosur me thikë.
Ai u dërgua me urgjencë në spital, por fatkeqësisht ndërroi jetë një ditë më vonë. Kozma Papa do të paraqitet në Gjykatën e Magjistraturës Willesden.
Papa u arrestua nga oficerët e Met në një makinë e cila u ndalua në Hertfordshire të dielën.
Një 30-vjeçar, i cili gjithashtu u arrestua në kuadër të hetimeve, u la i lirë pa veprime të mëtejshme.
M.Q./ReportTv.al
Komento
