Varianti omicron në mikroskop

E panjohura e variantit omicron të COVID-19 që po frikëson botën, si duket ai në mikroskop

8 Dhjetor 2021, 10:12| Përditesimi: 8 Dhjetor 2021, 10:14

  • Share

Imazhet e variantit më të ri të COVID-19, omicron janë publikuar nga Universiteti i Hong Kongut, përmes një mikroskopi elektronik.

Ekipi i shkencëtarëve mjekësorë, duke përfshirë patologë dhe virologë, bënë të mundur analizimin e një qelize veshkash majmuni, pasi ishte infektuare me variantin omicron.

Në imazhet e publikuara, paraqitet dëmtimi që i është bërë qelizave me fshikëza të fryra që përmbajnë grimca të vogla virale të zeza.

Për më tepër, zmadhimi i lartë zbuloi agregate të grimcave virale me thumba në formë korona në sipërfaqe.

Sipas raportimeve, studiuesit nga Departamenti i Mikrobiologjisë në Universitetin e Hong Kongut arritën të izolojnë "omicron" nga mostrat klinike, gjë që do të lejojë zhvillimin dhe prodhimin e vaksinave kundër këtij varianti.

Omicron u zbulua për herë të parë në Afrikën e Jugut në fund të nëntorit. Lloji përmban më shumë mutacione të proteinës spike, që do të thotë se mund të pengojë përgjigjen imune të trupit dhe të përhapet më lehtë.

J.GJ./ReportTv.al
Komento
  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?