Inter-Lukaku, ja ku jemi. Klubi Nerazzurri dhe Chelsea kanë finalizuar detajet përfundimtare të marrëveshjes. Operacioni praktikisht po mbyllet. Sipas zërave të fundit, rikthimi i belgut te Nerazzurri duhet të përfundojë në bazë të huazimit prej 8 milionë euro plus 2 milion bonuse të lidhura me fitoret e ekipit.
Lukaku, i freskët nga një sezon i keq te Chelsea, ishte protagonist i dy viteve të shkëlqyera në Milano në 2019-20 dhe 2020-2021, kur Interi i Antonio Contes fitoi Scudetton, duke i dhënë fund hegjemonisë së Juventusit.
Për belgun në atë sezon 24 gola në 36 ndeshje dhe sulm ëndrrash me Lautaron Martinez! I njëjti tandem që është i destinuar të reformohet sërish sezonin e ardhshëm nën drejtimin e një Simone Inzaghi që gjithmonë ka shtyrë për rikthimin e madh të belgut në Milano. Por sulmi zikaltër mund të kompletohet me Paulo Dybala i cili është shumë afer ekipit nga Milano dhe duke bëre tifozët zikaltër të ëndërrojnë për një sulm atomik.
r.k.//ReportTv.al