Vllaznia fitoi 3-1 kundër Tiranën në "Klasiken" e futbollit shqiptar. Tanimë shkodranët janë katër pikë pas kryesuesve të Egnatias. Pas ndeshjes për mediet foli trajneri i vendasve. Qatip Osmani tha se kanë dominuar kundërshtarin, ndërsa ceku edhe tifozët në stadium.
"Duhet të prekim publikun, na ka përkrahur për 90 minuta. Çdo fitore është e mirë, por kjo kundër një ekipi siç është Tirana ka një vlerë të veçantë. Pjesa e parë ishte shumë e mirë.
Një pjesë luftarake, ku dominuam edhe në lojën 1 me 1. Në pjesën e dytë u pozicionuam pak tepër. Kundërshtari ndërroi sistemin e lojës. Megjithatë nuk na rrezikuan, përveç disa momenteve.
Edhe në pushim e përmendëm rezultatin. Gjatë lojës do vijnë edhe momentet e rrezikshme. Do përforconim edhe mesin e fushës, edhe sulmin. Ne, jo vetëm gjatë kësaj loje, por edhe më parë, mundohemi ta menaxhojmë mirë euforinë. E përsëris, kemi edhe 10 ndeshje. Duhet të jemi të kujdesshëm. Kush do të na mundë ne? Do Zoti asnjë", tha Qatip Osmani.
Lajmi kryesor:
Renditja/ Vllaznia mposht 3-1 Tiranën në 'Klasike', bardheblutë jashtë 'Final-Four'! Teuta fiton 3-0 kundër Erzenit
S.DH/ReportTv.al