Shoferi i furgonit të një shkolle 9-vjecare në Përmet, është vënë në prangat e policisë pasi akuzohet se ka ngacmuar seksualisht një nxënëse 14-vjeçare.
Report Tv mëson se e mitura është ankuar tek mësuesja e saj kujdestare këtë të premte, mbi ngacmimin, pasi kjo e fundit e kishte gjetur duke qarë.
Më pas, janë vënë në dijeni autoritetet policore të Përmetit duke bërë që vajza të dëshmojë në praninë e psikologut mbi rastin.
Nxënësja ka dëshmuar se shoferi i identifikuar si Nikolin.J., kishte kohë që e ngacmonte, duke arritur në prekje fizike.
Mësohet se shoferi aktualisht po mbahet në dhomat e paraburgimit në Drejtorinë Vendore të Policisë Gjirokastër derisa Gjykata e Faktit të shprehet brenda 48 orëve me një vendim.
K.M/ReportTv.al