Shtetet e Bashkuara të Amerikës kanë bërë me dije se kanë kryer një sulm në Siri ku ka mbetur i vrarë një udhëheqës i lartë i shtetit islamik (ISIS) i cili besohet të jetë përgjegjës për planifikimin e disa sulmeve në Evropë.
Khalid Aydd Ahmed al-Jaburi vdiq orët e para të së martës, në një vend emri i të cilit nuk është zbuluar për mediat.
Fatmirësisht nga sulmi, nuk ka pasur asnjë viktimë nga ana e civilëve. Deri më tani nuk ka asnjë përgjigjie nga grupi islamik në Siri.
Shtetet e Bashkuara thanë se al-Jaburi zhvilloi strukturën udhëheqëse për shtetin islamik dhe se vdekja e tij do të prishte përkohësisht aftësinë e organizatës për të komplotuar sulme të jashtme.
Sipas SHBA-ve, Shteti Islamik vazhdon të përfaqësojë një kërcënim për Lindjen e Mesme dhe pjesë të tjera të botës.
Megjithatë, nuk u dhanë detaje të mëtejshme se cilat sulme besohet të ketë organizuar Ahme dal-Jaburi në Evropë.
B.V/ReportTv.al