Dy shtetas italianë u arrestuan në pikën kufitare të Hanit të Hotit pasi në në bagazhin e makinës me të cilën udhëtonin janë gjetur 2 pako me çeqe të dyshuara të falsifikuara, me vlerë 2000 dollarë secili (vlera totale 1 milion dollarë).
Për këtë rast u arrestuan shtetasit italianë Roberto Musumeci, 44 vjeç dhe Cristiano Sia, 49 vjeç.
Në dalje të vendit, u kalua për kontroll në vijë të dytë, automjeti me të cilin udhëtonin shtetasit Roberto Musumeci, dhe Cristiano Sia në bagazhin e të cilit janë gjetur 2 pako me çeqe të dyshuara të falsifikuara, me vlerë 2000 dollarë secili (vlera totale 1 milion dollarë), informoi sot policia e Shkodrës.
Çeqet e padeklaruara u sekuestruan në cilësinë e provës materiale, bashkë me automjetin dhe 1700 euro, vulat dhe 2 celularë.
Materialet hetimore i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
S.G/ReportTv.al