Një kambist 61-vjeçar është vënë në pranga nga policia e Durrësit pasi zhvillonte në mënyrë të paligjshme aktivitetin e këmbimit valutor. Si rrjedhojë nuk paguante as taksat dhe tatimet.
Policia e Durrësit nënvizon se Fitim Muhametaj u prangos në flagrancë pasi kishte këmbyer para, ndërkohë që iu sekuestruan 2 mln lekë si dhe 15 000 euro.
Në kuadër të operacionit “Informaliteti policia ishte vënë në ndjekje të kambistit sepse kishte pikasur më herët se ai ushtronte veprimtarinë e paligjshme.
Aksioni është kryetar nga specialistët e krimit ekonomik në policinë e Durrësit. 61 vjeçari Muhametaj ishte banues në lagjen nr. 4, Durrës, ndërkohë që pas arrestimit mbi të rëndojnë akuzat e "Ushtrimit pa licencë të veprimtarive financiare", "Fshehja e të ardhurave" dhe "Mospagimi i taksave dhe tatimeve".
K.T./ReportTv.al