DURRËS- Një konflikt me thika ka ndodhur mbrëmjen e sotme në qytetin bregdetar ku dy vëllezër kanë mbetur të plagosur. Burime për Report TV bëjnë me dije se një konflikt i çastit ka çuar në përplasjen e dy vëllezërve me disa të tjerë. Dy të plagosurit janë dërguar në spitalin rajonal për të marrë ndihmë mjekësore.
Report TV sjell pamje nga vendi i ngjarjes ku dallohen gjurmët e gjakut pas konfliktit të ndodhur.
Ngjarja ka ndodhur në lagjen 13 të Durrësit. Ende nuk dihet identiteti i dy vëllezërve që u përfshinë në sherr dhe shkaqet e ngjarjes. Detaje të reja pritet të mësohen në vijim ndërsa policia ka mbërritur në vendngjarje dhe po punon për zbardhjen e plotë të saj.
SI.E./ReportTv.al
Komento
