Trupi i pajetë i një 42 vjeçari nga Tirana është gjetur mëngjesin e sotëm tek porti i peshkimit në Durrës. Viktima është pikasur nga peshkatarët.
Sipas policisë, 42 vjeçari nuk ka shenja dhune dhe dyshohet të jetë mbytur aksidentalisht. Policia ka kontaktuar familjarët e tij të cilët kanë deklaruar se 42 vjeçari ishte i alkoolizuar.
“Më datë 23.11.2023, në një kalatë peshkimi në portin e Durrësit, është gjetur i pajetë dhe pa shenja dhune, trupi i shtetasit E. A., 42 vjeç, banues në Tiranë. Nga hetimet e deritanishme dyshohet se 42-vjeçari, i cili vuante nga probleme të shëndetit mendor, është mbytur aksidentalisht në det”-njofton policia.
Grupi hetimor vijon punën për sqarimin e rrethanave të rastit.
B.V/ReportTv.al
Komento
