Samiti i mbajtur ditën e djeshme në Gjenevë midis presidentit amerikan dhe atij rus ishte një fitore për Putin, u shpreh kështu ish Presidenti amerikan Donald J. Trump. Trump theksoi se Putini dhe Rusia dominuan ditën.
"Unë mendoj se ishte një ditë e mirë për Rusinë. Unë nuk mendoj se kemi marrë ndonjë gjë nga ajo."
Trump akuzoi Biden se ka marrë një vendim të gabuar për të lejuar përfundimin e tubacionit NordStream II ndërsa kishte anuluar një projekt të gazsjellësit kanadezo-amerikan.
"Ne i dhamë një ndihmë shumë të madhe Rusisë dhe nuk morëm asgjë. Ne braktisëm diçka që ishte tepër e vlefshme. Unë ndalova tubacionin, NordStream II dhe tubacioni u ndalua dhe ai u adha përsëri Gjermanisë dhe Rusisë dhe nuk mori asgjë në këmbim, "tha Trump.
Ndërkohë që gjatë intervistës së tij nuk ka kursyer edhe kritikat dhe akuzat për bizneset e të birit të presidentit amerikan Joe Biden, Hunter Biden dhe bizneset e tij në Ukrainë.
Komente
Po ti cfare morre si shkembim ,premtimin per nje Trump Tower ne Moske ?
Përgjigju