Në kuadër të samitit, u firmosën 2 marrëveshje bashkëpunimi me Kinën: një në fushën e doganave dhe një në fushën e energjisë, të cilat do të kontribuojnë në zhvillimin e mëtejshëm të marrëdhënieve mes vendeve.
Në fjalën e saj, Mesi duke theksuar rëndësinë e kësaj nisme si një instrument shumë i mirë bashkëpunimi ndërmjet shteteve në drejtim të rritjes dhe përforcimit edhe më tej të marrëdhënieve mes tyre në fusha të ndryshme, nënvizoi faktin se Shqipëria e shikon këtë nisëm si një platformë të rëndësishme komunikimi dhe ndërveprimi.
Në të njëjtën kohë, Mesi theksoi gatishmërinë e vendit tonë për të vazhduar angazhimin me projekte konkrete kombëtare dhe ndër-rajonale në infrastrukturë rrugore e hekurudhore, energji, turizëm apo bujqësi, gjëra të cilat do të përmirësojnë edhe më tej cilësinë dhe efektivitetin e këtij partneriteti.
Përveç takimeve të liderëve, samiti u shoqërua edhe me një forum biznesi dhe me takime mes koordinatorëve kombëtarë të çdo vendi. Në të njëjtën kohë, u firmos edhe “Udhërrëfyesi i Budapestit”, i cili do të përforcojë edhe më shumë bashkëpunimin mes vendeve pjesëmarrëse.
Redaksia Online
J.Sh Shqiptarja.com