Mbrëmjen e 18 marsit, ndërtesa ku ndodhet selia e presidentit të entitetit të Republikës Sërpska në Bosnje e Hercegovinë u ndriçua me ngjyrat e flamurit rus.
Kjo u bë për “nder të fitores së Vladimir Putinit” në zgjedhjet presidenciale në Rusi dhe në shenjë të miqësisë mes Republikës Sërpska dhe Rusisë, tha presidenti i këtij entiteti, Millorad Dodik, përmes një postimi në X, që më herët njihej si Twitter.
Lideri pro-rus i serbëve në Bosnje e Hercegovinë, që është nën sanksione të Shteteve të Bashkuara dhe Britanisë për shkak të aktiviteteve të tij kundër Marrëveshjes së Paqes të Dejtonit, paraprakisht uroi Putinin për fitoren e tij.
Lajmi kryesor:
Putin pas zgjedhjeve paralajmëron Perëndimin se një konflikt Rusi-NATO është vetëm një hap nga Lufta e Tretë Botërore
M.Q./ReportTv.al