Presidenti amerikan Joe Biden ka njoftuar se diplomati David J. Kostelancik do të emërohet si ambasadori i SHBA-ve në Shqipëri, duke zëvvëndësuar në këtë post Yuri Kim. Por kush është diplomati David J. Kostelancik? Aktualisht Kostelanick mban pozicionin e drejtorit në Zyrën për Europën Qendrore dhe Jugore në Departamentin Amerikan të Shtetit.
Kostelancik ka shërbyer më parë si Zëvendës Shef i Misionit dhe për dy vjet si i Ngarkuar me Punë në Ambasadën e SHBA-së në Budapest të Hungarisë. Ai ka mbajtur gjithashtu pozicionet e Drejtorit të Zyrës për Çështjet e Evropës Jugore Qendrore dhe Drejtorit të Zyrës për Çështjet Ruse, në Byronë për Çështjet e Evropës dhe Euroazisë si dhe të Drejtorit të Zyrës së Evropës dhe Azisë në Byronë Ndërkombëtare për Çështjet e Narkotikëve dhe Zbatmit të Ligjit. Kostelancik njihet si njohës i çështjes Ruse, ndërsa ka shërbyer dy herë në ambasadën amerikane në Moskë, Rusi. Ai ka shërbyer edhe në misionet e SHBA-së në OSBE dhe NATO, dhe në Ankara të Turqisë.
Me origjinë nga Illinois, Kostelancik është i diplomuar në Kolegjin Kombëtar të Luftës, ku fitoi një Master të Shkencave. Ai gjithashtu është diplomuar në Masterin e Arteve nga Universiteti i Miçiganit dhe ka një diplomë Bachelor të Arteve nga Universiteti Northëestern. Kostelancik flet katër gjuhë, rusisht, hungarisht, shqip dhe turqisht.
SI.E.//ReportTv.al