Dy automjeteve iu vu flaka tre ditë më parë në Vlorë, ndërsa kamerat e sigurisë kanë zbuluar se autorët kanë qenë dy persona, që i kanë spërkatur makinat me benzinë.
Ata nuk janë identifikuar ende, pasi kanë qenë me maskë, ndërsa bëhet me dije se fillimisht kishin shkuar për t'i vjedhur, por plani i dështoi pasi njëri prej automjeteve nuk ndizej si pasojë e baterisë, ndërsa tjetrin nuk kanë mundur ta hapnin.
Pas kësaj, ata i vunë zjarrin automjeteve, ndërsa tentuan sërish të vidhnin një tjetër automjet në rrugën Transballkanike pranë një karburanti. Report Tv siguroi filmimet e kamerave të sigurisë, ku shihen autorët, të maskuar, teksa tentojnë të hapin derën e automjetit, por u pikasën nga pronari dhe janë larguar me vrap. Burime nga Prokuroria e Vlorës bëjnë me dije se automjetet që ata tentuan të vidhnin, do të përdoreshin për ngjarje kriminale më pas.
Automjeteve q iu vu flaka ishin një furgon me targa greke në pronësi të Viktor Koretës dhe një automjeti tip 'Benz' me targa AA 051 AU në pronësi të Beniard Çobos.
Report TV ka siguruar pamjet e kamerave të sigurisë të tentativës së vjedhjes së një automjeti në rrugën Transballkanike. Dy autorët, të maskuar, tentuan të vidhnin automjetin 3 ditë më parë, por u larguan me vrap pasi u pikasën nga pronari. Ata tentuan të vidhnin këtë automjet, pasi tentativës së dështuar për dy automjetet në Vlorë, të cilëve më pas i vunë flakën.
