Një 36-vjeçar ra në pranga pasi Alket Malaj, 40 vjeç vdiq ditën e djeshme duke u djegur nga plasja e një prej furrave të pjekjes në një fabrikë në Patos. Policia ka arrestuar 36-vjeçarin, Ergli Demçe pasi ky i fundit ka qenë drejtuesi teknik i repartit të fonderisë dhe ka shkelur rregullat për mbrojtje në punë. Pra nëse do ishte korrekt nga ana e tij, nuk do kishte ndodhur ngjarja e rëndë.
Kujtojmë se Alket Malaj, 40 vjeç ka ndërruar jetë ditën e djeshme në fabrikën ku punonte si pasojë e një aksidenti. Sipas disa prej kolegëve plasja mund të ketë ndodhur edhe për shkak të prezencës së një sasie të vogël uji në momentin që ai ka qenë duke shkrirë gizë, por shkaku i vërtetë do të përcaktohet pas hetimeve të plota.
G.MO/ReportTv.al
Komento
