Qëndresës së reth 150 të dënuarve në burgun e sigurisë së lartë në Peqin që prej 10 ditësh vijojnë të qëndrojnë në grevë urie, sot u janë bashkuar edhe familjarët e tyre.
Familjarët i janë bashkuar grevës dhe që në orët e para të mëngjesit ndodhen jashtë dyerve të hekurta të burgut, përballë forcave të policisë, të cilat ndodhen aty për të mbajtur nën kontroll situatën.
Ata kërkojnë që t'u plotësohen kërkesat të afërmive të tyre në burg, të cilët janë të izoluar në sistemin e sigurisë së lartë '41-BIS'. Si pasojë e izolimit të dënuarve u janë ndaluar vizitat me të afërmit, as biseda nga kabina dhe as takime.
Si pasojë e grevës ka pasur edhe transferim të dënuarish në spitale, për shkak të përkeqësimit të gjendjes së tyre shëndetësore. Për shkak se situata tashmë ka dalë jashtë kontrollit në burgun e Peqinit, dje u shkarkua nga detyra edhe drejtori i burgut, Bukurosh Mallutaj. Lajmin e konfirmoi vetë ai për Report Tv, dhe arsyeja ka qenë mosmenaxhimi i situatës.
Komente
Shikoni se cfare paradoksi vrasesit dhe kriminelet kerkojne tju falen denimet per krimimet qe kane bere.o plera sa nenave ju keni futur femijet ne dhe, sa femije i keni lene pa babe, sa grave ju keni vrare burrat..... Keta qe jane denuar me burg te perjetshem te gjith duhen ekzekutuar sepse nga taksat mbahen me buke. Amerika prandaj eshte njish ne bote sepse ligji eshte ligj..... Ai qe vret e vrasin dhe kjo eshte e sakte.
Përgjigju